Урок-практыкум па матэматыцы "Цудадзейная дыяграма"
Штодня нам прыходзіцца працаваць з вялікай колькасцю інфармацыі. Усю інфармацыю, якая да нас трапляе, запомніць немагчыма. Таму самую неабходную для нас мы запісваем. Прычым стараемся запісваць такім чынам, каб пасля нам гэтай інфармацыяй было лёгка скарыстацца - выбраць патрэбныя дадзеныя, нешта параўнаць. Табліцы зручныя для парадкавання і пошуку дадзеных (палягчаюць пошук неабходных звестак, не прымушаюць вывучаць усю наяўную інфармацыю, а адразу знайсці тое, што трэба, дазваляюць лёгка параўноўваць аднатыпныя звесткі і рабіць неабходны выбар). Аднак яны не даюць візуальнага прадстаўлення. Таму на чарговым уроку матэматыкі вучням 6 класа было прапанавана пазнаёміцца з яшчэ адным спосабам падачы інфармацыі, які шмат у чым зручней, чым табліца- дыяграмай. Дадзеная тэма вельмі зацікавіла рабят. Яны з захапленнем працавалі над пабудаваннем дыяграмы, задавалі змястоўныя пытанні.
