Акцыя "Ветэран жыве побач"
Акцыя «Ветэран жыве побач»
8 мая, напярэдадні святкавання дня Вялікай Перамогі, валанцёры і цімураўцы нашай школы наведалі ветэранаў – удзельнікаў Вялікай Айчыннай вайны. Рабяты павіншавалі абаронцаў радзімы з Днём Перамогі, уручылі ім кветкі, падарункі і паштоўкі. У адрас ветэранаў прагучалі музычныя і вершаваныя віншаванні. Кожная сустрэча праходзіла ў вельмі цёплай і душэўнай атмасферы. Усе ветэраны сустракалі гасцей з усмешкамі і дзякавалі за праяўленую да іх увагу. Для сучасных вучняў велізарны гонар павіншаваць нашых дарагіх ветэранаў з Вялікім святам Перамогі, паціснуць іх моцную руку, абняць, перадаць часцінку свайго сардэчнага цяплаі проста сказаць шчырае "Дзякуй!"
Нашы ветэраны ў чарговы раз нагадалі нам, што значыць быць мужным чалавекам, абаронцам, патрыётам сваёй краіны, любіць жыццё і шанаваць кожны дзень, пражыты без вайны. Акцыя «Ветэран жыве побач» – гэта даніна павагі і памяці ўсім тым, хто змагаўся за чыстае мірнае неба над нашай галавой. Моцнага вам здароўя, дарагія ветэраны, дабрабыту і даўгалецця! З святам!
