1 верасня- Дзень ведаў
Вось і скончыўся доўгі летні адпачынак, напоўнены радасцю і задавальненнем. Настаў час вярнуцца да заняткаў, новых адкрыццяў і займальных падарожжаў у свет ведаў і вопыту!
Сёння ў нашай школе адбылася святочная лінейка, прысвечаная Дню ведаў і пачатку новага навучальнага года. На свяце прысутнічалі вучні, іх бацькі, настаўнікі, госці . Першы званок - несумненна, хвалюючае свята. Асабліва хваляваліся першакласнікі і іх бацькі. А іх сёлета ў нас 10 ! З пажаданнямі да ўсіх прысутных звярнуліся дырэктар школы Г.В.Мянчыцкая, выконваючая абавязкі старшыні Ладзеніцкага сельсавета Цецярук Н.В., намеснік упраўляючага ААТ "Гарадзечна" Шумскі А.С. Усе ўдзельнікі свята пачулі віншаванні ад настаўніцы першага класа Пікта І.М., бацькоў першакласнікаў. Свой наказ першакласнікам выказалі самыя старэйшыя вучні нашай школы і ўручылі ім падарунак. Вельмі кранальным было выступленне першакласнікаў. Стала добрай традыцыяй нашай школы ушанаванне загінуўшых аднавяскоўцаў у гэты святочны дзень. Прадстаўнікі ад кожнага класа наведалі помнік і ўсклалі да яго кветкі. А пасля - залівісты школьны званок, які абвясціў пачатак новага навучальнага года і паклікаў усіх на першы ўрок "Беларусь- мая Айчына".
