Апошні званок
Сёння ў нашай установе адбылося свята Апошняга званка. Словы прывітання школьнікам, выпускнікам і іх бацькам, гасцям свята і настаўнікам выказвалі дырэктар школы Г.В.Мянчыцкая, загадчык сектарам ідэалагічнай работы і па справах моладзі Навагрудскага райвыканкама А.М. Ліннік , спецыяліст Ладзеніцкага сельскага выканаўчага камітэта Губарава В.І. Віншаванні выпускнікам прагучалі ад першай настаўніцы Н.В. Чубрык і класнага кіраўніка С.І. Аляшкевіч . Ад імя бацькоў дзевяцікласнікаў павіншавала А.У. Казлоўская .
Сёлетні навучальны год быў паспяховым для нашай школы. Ен прынес нам 7 перамог у прадметных алімпіядах і 31 прызавое месца ў абласных і раённых конкурсах рознага накірунку. Усе прызёры атрымалі ўзнагароды. За выдатную вучобу былі адзначаны 3 навучэнкі нашай школы: Шумская Ганна, Снесар Віялета, Кур'ян Яна.
Святочнае мерапрыемства прайшло ўрачыста, ярка і запамінальна! У добры шлях, выпускнікі!